Superliga rikthehet në fundjavë, Llapi – Drita derbi i javës

Superliga e Kosovës do të rikthehet në aksion këtë fundjavë me ndeshjet e xhiros së pestë që janë në program për tu zhvilluar.

Nga kjo javë do të ketë një orar të ri, pasi ndeshjet nuk do të luhen më nga ora 16:00, por me orarin e ri fillojnë nga ora 15:00.

Padyshim që dueli kryesor i kësaj xhiro do të zhvillohet në stadiumin ‘Zahir Pajaziti’ në Podujevë, ku Llapi takohet me Dritën.

Sfidë derbi pritet të jetë edhe në Suharekë, ku Ballkani pas largimit të Ilir Dajës pret Prishtinën.

Dukagjini dhe Malisheva do të përballen në stadiumin ’18 qershori’ në Klinë, derisa Ferizaj është nikoqir i Suharekës.

Gjilani dhe Feronikeli ’74 janë dy ekipet e vetme që ende nuk kanë fituar dhe do të përballen mes vete. /Telegrafi/