Dy klube me oferta milionëshe për Mirlind Dakun

Mirlind Daku ka tërhequr vëmendjen e dy klubeve të mëdha ruse, Krasnodar dhe Spartak Moska, të cilat kanë paraqitur oferta të jashtëzakonshme për sulmuesin kosovar.

Sipas burimeve, Krasnodar ka ofruar një shumë prej 12 milionë euro për transferimin e Dakut, ndërsa Spartaku i Moskës ka paraqitur një ofertë edhe më të lartë, me 13 milionë euro.

Të dyja ofertat përfshijnë një pagë vjetore rreth 2 milionë euro për lojtarin.

Afati kalimtar në Rusi mbyllet nesër në mesnatë, dhe tifozët presin me padurim të shohin se cila do të jetë lëvizja e radhës e Dakut. A do ta zgjedhë Krasnodarin, apo do t’i bashkohet Spartakut të Moskës?