Spektakël futbolli sonte në RTK

Dortmund – Barcelona do të përballen sonte në kompeticionin më të rëndësishëm për klube, Uefa Champions League. Në stadiumin ‘Signal Iduna Park’ nga ora 21:00, “Die Borussen” presin “Culés”.

Të dy klubet po kalojnë një formë mjaft të mirë në Ligën e Kampionëve, ku pas 5 ndeshjeve të zhvilluara kanë 12 pikë. Barça renditet në vendin e 6, ndërsa Dortmund në të 7, kjo për shkak të gol-diferencës më të mirë që ka klubi nga Katalunia.

Kjo ndeshje do të jetë e veçantë për Robert Lewandowskin, i cili para disa vjetësh ishte pjesë e Borussia Dortmund.

Në këtë ndeshje është rikthyer edhe Ronald Araujo, i cili ishte jashtë fushës për një kohë të gjatë për shkak të lëndimit.

Këtë super përballje mund ta shikoni sonte në ora 21:00 në Radio Televizionin e Kosovës. Gjithashtu ndeshja transmetohet edhe në kanalin Tring Sport.