LDK prezanton planin e mësimit tërëditor në Malishevë
Lidhja Demokratike e Kosovës ka prezantuar në Malishevë planin për mësimin tërëditor.
Kandidatja për deputete nga kjo parti, Jehona Lushaku, me anë të një postimi ka thënë që arsimi cilësor mund të bëhet realitet me udhëheqjen e LDK-së.
Më poshtë postimi i saj:
Sonte në Malishevë, me strukturat udhëheqëse të LDK-së në këtë komunë, prezantova planin tonë për një sistem arsimor cilësor, që vetëm me udhëheqjen e LDK-së mund të bëhet realitet.
Me një vizion të qartë dhe udhëheqje të përgjegjshme do të ndërtojmë një Kosovë ku çdo qytetar ndjehet i sigurt, ku perspektiva për një jetë më të mirë është e prekshme dhe ku shpresat nuk mbeten thjesht ëndrra, por shndërrohen në realitet.
Ndryshimi i vërtetë me kryeministër Lumir Abdixhiku është afër!
Rrugën e bëjmë bashkë.
Falenderoj kryetarin e degës së Malishevës Fatmir Ademaj dhe gjithë strukturën për diskutim të frytshëm dhe dinamikë mobilizuese me atmosferë fantastike.
