SHSKUK: Mbi 17 mijë lindje u kryen gjatë vitit 2024
Gjatë vitit 2024, Shërbimi Spitalor dhe Klinik Universitar i Kosovës (SHSKUK) ka regjistruar gjithsej 17,495 lindje.
Nga këto, 7,901 lindje janë kryer në Qendrën Klinike Universitare të Kosovës (QKUK), që përbën 45% të totalit, ndërsa 9,594 lindje janë regjistruar në spitalet e përgjithshme, apo 55%.
Një pjesë e konsiderueshme e lindjeve, 6,708 prej tyre, janë realizuar me operacion (cesarean section), që përbën 39% të numrit total.
Nga këto, 3,121 lindje me operacion janë kryer në QKUK, që përbëjnë 41% të lindjeve në këtë spital, ndërsa 3,587 lindje me operacion janë realizuar në spitalet e përgjithshme, që përbëjnë 38% të lindjeve të kryera atje.
