Transportuesit llapjanë përfundojnë takimin me Komunën e Prishtinës – Detaje nga propozimmarrëveshja

Pak më parë ka përfunduar takimi midis përfaqësuesve të transportuesve të Podujevës dhe zyrtarëve të Komunës së Prishtinës.

Në një intervistë për IndeksOnlinen, kryetari i Shoqatës së Transportit të Podujevës, Beqir Mustafa, ka zbuluar detaje nga marrëveshja, e cila pritet të finalizohet shumë shpejt.

“Ne u takuam me nënkryetarin e komunës, zyrtarë komunalë dhe përfaqësues të Ministrisë së Transportit. Ata vendosën që linja të kalojë nga rruga e Zagrebit (ish-tjegullorja), përmes Pallatit të Rinës stacionit të trenit dhe më pas stacionit të autobusëve, për t’u kthyer përsëri”, tha Mustafa.

Ai shtoi se një nga çështjet ende të hapura është numri i stacioneve për transportuesit llapjanë.

“Ne kërkuam dy stacione, por ata na ofruan vetëm një. Tani po diskutojmë me kolegët rreth marrëveshjes”, përfundoi ai.