Konjufca shkon në të pame te familja e Thaçit

Kryetari i Kuvendit të Kosovës Glauk Konjufca, ka shkuar në të pame te familja e ish-presidentit të Kosovës Hashim Thaçi, për t’iu shprehur ngushëllime për vdekjen e kryefamiljarit të tyre, Haxhi Thaçit.

Konjufca me këtë rast u nënshkrua edhe në “Librin e Zisë”.

Deri më tani asnjë zyrtarë i lartë i Qeverisë nuk është parë as në varrim e as në të pame.

Pasi i shprehu ngushëllime familjes, ai para mediave tha fjalë të mëdha për ish presidentin e Kosovë duke vlerësuar lart kontributin e tij për liri nga vitet e 90-ta.

“Kjo nuk do të ndodhte pa inspirimin e prindërve tanë ashtu siç e kishte Thaçi prej bacës Haxhi. Prandaj u kujtoftë gjithmonë e i lehtë i qoftë dheu i Kosovë e u prehtë në paqe”, deklaroi Konjufca.

Konjufca tha se Thaçi bashkë edhe me Selimin, Krasniqin e Veselin, po e mbrojnë kauzën e UÇK-së për liri.