Kjo është gruaja (EMRI)
Një ngjarje e rëndë ka ndodhur sot në Prishtinë, ku një grua është gjetur pa shenja jete në rrugën “7 Marsi” në lagjen Qëndresa në Veternik. Viktima është e moshuar dhe për vdekjen e saj, tashmë është iniciuar hetimi, raporton Gazeta Sinjali.
Rasti ndodhi paradite, kur burri i viktimës kërkoi ndihmën e Policisë, me ç’rast intervenuan njësitë përkatëse.
Burimet brenda Emergjencës kanë bërë me dije për Sinjalin se gruaja që vdiq është Burbuqe Pustina, rreth 72-vjeçare.
Ekipi mjekësor që doli në vendin e ngjarjes e ka konfirmuar vdekjen e saj, ndërsa trupi i pajetë është dërguar për obduksion në Institutin e Mjekësisë Ligjore (IML).
Në cilësinë e dëshmitarit është intervistuar bashkëshorti i viktimës.
Me urdhër të Prokurorit të Shtetit, rasti është iniciuar si “Hetim mbi vdekjen”.
