Dude Balje: Nesër e takojmë Kurtin, komuna boshnjake pjesë e marrëveshjes
Kryetarja e Unionit Socialdemokrat (SDU), Duda Balje, ka konfirmuar se të enjten në orën 09:00 do të zhvillojë një takim me kryeministrin në detyrë, Albin Kurti, për të diskutuar mbi formimin e qeverisë së re.
“Kam pasur një komunikim sot, dhe nesër, në orën 09:00, unë dhe përfaqësuesit e partisë time do të shkojmë në takim në Qeveri,” ka thënë Balje.
Ajo ka theksuar se kërkesa për krijimin e një komune boshnjake mbetet një nga prioritetet kryesore për partinë e saj dhe është pjesë e diskutimeve për bashkëqeverisje.
“Po, patjetër. Nuk jam duke lëvizur prej vendimit që kemi marrë brenda partisë. Kërkesa është prej ditës së parë, edhe sot e nesër. Në fakt, nuk është kusht, por është pjesë e marrëveshjes për qeveri,” ka theksuar Balje gjatë një interviste në Debat Plus.
