Zhduket 15 vjeçari në Fushë Kosovë
Policia në Fushë Kosovë është vënë në kërkim të një të mituri, i cili është zhdukur që nga pasditja e 13 prillit dhe nuk është kthyer ende në banesë, raporton Gazeta Sinjali.
Burimet e Gazetës Sinjali bëjnë me dije se bëhet fjalë për 15-vjeçarin me inicialet E.S, i cili është larguar nga banesa në Fushë Kosovë, pa dijeninë e babait të tij.
Sipas kallëzimit të bërë nga babai, djali i tij nuk është kthyer në shtëpi dhe nuk dihet vendndodhja e tij.
Po ashtu, babai, siç ka deklaruar në Polici, nuk ka informacione të sakta as për veshjen që ka pasur në momentin e largimit.
Lidhur me rastin është njoftuar prokurori kompetent, i cili ka urdhëruar inicimin e rastit si “Person i zhdukur” dhe ka autorizuar nisjen e hetimeve për zbardhjen e rastit.
Policia është duke ndërmarrë veprimet e nevojshme hetimore për gjetjen e të miturit.
