Presidentja Osmani u bën thirrje shqiptarëve të votojnë për Shqipërinë në Eurovizion

Presidentja e Kosovës, Vjosa Osmani, ka përkrahur publikisht përfaqësuesen e Shqipërisë në Eurovizion, Shkodra Elektronike, duke u bërë thirrje të gjithë shqiptarëve kudo që ndodhen që të votojnë për numrin 26 në natën finale të këtij festivali, shkruan Gazeta Sinjali.

Në një postim në rrjetet sociale, Osmani u shpreh se edhe pse Kosova ende nuk merr pjesë zyrtarisht në Eurovizion, ajo sonte përfaqësohet denjësisht nga artistët shqiptarë.

“Sonte, edhe Kosova shndrit me Shkodrën Elektronike! Një krijim që sjell një rrëfim të fuqishëm e kuptimplotë, meriton përkrahjen tonë në Kosovë, në mërgatë e kudo që ka shqiptarë”, ka shkruar presidentja.