Fillon një projekt i rëndësishëm në Podujevë

Postimi i kryetarit Bulliqi:

Vendosëm gurthemelin për ndërtimin e objekteve të banimit të përballueshëm në Podujevë

Sot, bashkë me Kryeministrin e Republikës së Kosovës, z. Albin Kurti, zëvendësministrin e Mjedisit, Planifikimit Hapësinor dhe Infrastrukturës, z. Jeton Raka, deputetë të Kuvendit, drejtorë komunalë, asamblistë dhe qytetarë, vendosëm gurthemelin për një nga projektet më të rëndësishme në komunën tonë – ndërtimin e 133 banesave në kuadër të projektit të banimit të përballueshëm dhe social.

106 banesa janë të dedikuara për çiftet e reja, ndërsa 27 të tjera për raste sociale.

Tipologjia e banesave përfshin hapësira prej 53m², 66m², 77m² dhe 87m², duke ofruar zgjidhje sipas nevojave të familjeve llapjane.

Vlera e përgjithshme e investimit është 13,597,766.62 euro.

Urime dhe e gëzofshin qytetarët tanë këtë projekt!