Arrestohet 54 vjeçari në Dobërdol për dhunë në familje

Vajzat dhe gratë po vazhdojnë të jenë viktimat më të shpeshta të dhunës në familje, ngacmimeve, sulmeve seksuale e dhunimeve. Këto raste bëhen edhe më të tmerrshme kur dyshohet se ndodhin në institucione arsimore, sidomos në shkolla fillore, ku viktimat janë të mitura, raporton Gazeta Sinjali.

Kështu është raportuar në pasditën e sotme, në fshatin Dobërdol të Klinës, ku një burrë është arrestuar pasi dyshohet se ka ushtruar dhunë ndaj bashkëshortes së tij.

Burime të Sinjalit brenda Policisë bëjnë me dije se rreth orës 10:20, Policia është informuar nga Qendra Operative për një incident në familjen Vishaj, ku dyshohej për konflikt mes bashkëshortëve.

Sinjali mëson se menjëherë pas pranimit të informatës, një patrullë policore është nisur në drejtim të vendit të ngjarjes, ku ka kontaktuar me palët – Kadri Vishaj, rreth 55-vjeçar dhe bashkëshortja e tij M.V., po ashtu rreth 55-vjeçare.

Sipas burimeve, të dy kanë pranuar se kanë pasur mosmarrëveshje dhe konflikt verbal, por Policia ka vepruar menjëherë duke e arrestuar burrin si të dyshuar për dhunë në familje.

Me urdhër të Prokurorit të Shtetit, rasti është iniciuar si “Dhunë në familje”, ndërsa i dyshuari është ndaluar për 48 orë, derisa të zhvillohen procedurat e mëtejme hetimore.

Rasti është në trajtim nga Policia dhe Prokuroria Themelore në Pejë.

Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata