Armend Zemaj, nga foltorja e Kuvendit të Kosovës, i bëri thirrje kryesuesit të seancës, Avni Dehari, që të procedojë me propozimin e një kandidati për kryetar Kuvendi, në mënyrë që të vazhdohet me procesin institucional.

Gjatë fjalës së tij nga foltorja, Zemaj i bëri një thirrje të drejtpërdrejtë Deharit: “Unë e kam një propozim që ti të propozosh ose kërkosh emrin për kryetar të Kuvendit dhe të vazhdojmë me procedurë të rregullt,” tha Zemaj.

Por nuk arriti ta përfundonte fjalinë, pasi mikrofoni iu ndërpre nga vetë Dehari, çka solli pakënaqësi dhe reagime në sallë.

Ky veprim erdhi në mes të përpjekjes së 46-të për konstituimin e Kuvendit, që edhe këtë herë rezultoi i pasuksesshëm, duke lënë institucionin më të lartë legjislativ ende në ngërç.