Ekskluzive: Reagon Lladrovci – tregon se a është larguar nga PDK-ja
Pas raportimeve të mediave lokale për një nismë të re politike me emrin “Për Drenasin Kampion me Ramiz Lladrovcin”, që sipas tyre nënkuptonte ndarjen e tij nga Partia Demokratike e Kosovës (PDK), ka reaguar vetë kryetari i Komunës së Drenasit, Ramiz Lladrovci.
Në një reagim në rrjetin social “facebook”, Ramiz Lladrovci ka mohuar kategorikisht lajmet për largimin e tij nga PDK, duke i quajtur ato pjesë të një fushate të njohur dezinformuese që, sipas tij, është përdorur edhe në zgjedhjet e kaluara.
Lladrovci i ka cilësuar këto veprime si përpjekje për të krijuar “mjegull” rreth kandidaturës së tij dhe lidhjes me PDK-në, duke nënvizuar se emri i pretenduar i iniciativës së re është thjesht një shpikje nga kundërshtarët:
Postimi:
Profilet e rreme, kanë filluar punën, po rizgjohen. Në zgjedhjet e kaluara, keqbërësit i kishin së paku 18 profile të rreme, ndërsa për këto zgjedhje, kanë arritur të bëhen po ashtu 18 profile/portale.
Asgjë e re nga metodat e zgjedhjeve të kaluara, mjegull ndaj kandidaturës time, mjegull ndaj PDK-së.
Megjithëse jemi kampion, bedelat e paskan shpikur emrin duke prodhuar shkurtesën PDK. Iniciativat qytetare janë të lira dhe nuk marrin leje nga unë.
E ritheksoj: PDK, dje, sot, nesër, pikë.
Uniteti në degën e PDK-së në Drenas është më i fortë se kurrë.
Nuk ka bir nane që më largon nga PDK!
