Persona të panjohur i djegin 10 hektarë të mbjellë me mjedër, dredhëza e arra

Në fshatin Lloshkobare të Ferizajt, persona të panjohur dyshohet se ia kanë vënë zjarrin disa hektarëve me të mbjella të ndryshme.

Sipas raportit 24-orësh të PK-së, thuhet se viktimat kanë raportuar të mërkurën pasdite se atyre u janë djegur 3 hektarë mal, 5 hektarë mjedër, 3 hektarë të mbjella me dredhëza dhe 1 hektar me arra.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, tha PK-ja, raporton Klankosova.tv.

Policia tha se rasti është duke u hetuar. /Klankosova.tv