Shpërndahen mjete dhe vegla pune të ndërtimtarisë për pjesëtarin e komunitetit pakicë

Në kuadër të Programit për Stabilizimin e Komuniteteve jo-shumicë në Komunën e Podujevës, Hajriz Bajrami pjesëtar i komunitetit ashkali, është përfitues i projektit me mjete dhe vegla pune të ndërtimtarisë në vlerë prej 4300 euro.

Të pranishëm në shpërndarjen e mjeteve ishin përfaqësuesit e Zyrës për Komunitete dhe Kthim në Komunën e Podujevës, Liman Zeqiri dhe Xhevrie Beqiri, si dhe nga Organizata Ndërkombëtare për Migrim(IOM) Igballe Ymeri.

Shefi i ZKKK-së, Liman Zeqiri u shpreh shumë i kënaqur për realizmin e projektit dhe tha: “Komuna e Podujevës është e gatshme t’i përkrahë projektet, që kanë për qëllim përmirësimin e mirëqenies së qytetarëve nga komunitetet pakicë dhe projektet të cilat synojnë integrimin e komuniteteve në jetën institucionale e shoqërore në Komunën e Podujevës të të gjitha komuniteteve pa dallim”.

Projekti u mbështetë në shumë prej 4000€‎ nga “IOM”, ndërsa 300€ nga përfituesi‎.