Arrestohet një person në Prishtinë për vepër të rëndë

Policia e Kosovës ka arrestuar një person të dyshuar për veprën penale të fajdes, në një aksion të zhvilluar të premten në kryeqytet.

Sipas njoftimit zyrtar i dyshuari është arrestuar me dyshimin se ka detyruar viktima të ndryshme të paguajnë shuma të caktuara parash si interes për borxhe (fajde).

Gjatë veprimeve hetimore, njësitë policore kanë kryer bastisje në shtëpinë dhe objektet përcjellëse të të dyshuarit, ku janë gjetur dhe sekuestruar dëshmi materiale që lidhen me aktivitetin e paligjshëm të fajdes.

Pas intervistimit nga hetuesit, dhe në konsultim me prokurorin e rastit, ndaj të dyshuarit është lëshuar masa e ndalimit në mbajtje.