Kelmendi: Zgjedhje nuk do kemi deri pas balotazhit

Adriatik Kelmendi, gazetari dhe moderatori i emisionit “Rubikon” në Klan Kosova, ka reaguar pas vendimit të Gjykatës Kushtetuese për të vendosur masë të përkohshme ndaj Kuvendit deri më 30 shtator.

Në një shkrim të publikuar në profilin e tij në Facebook, Kelmendi u shpreh me ironi se ky vendim nënkupton shtyrjen e çdo mundësie për zgjedhje të parakohshme deri pas balotazhit të 9 nëntorit.

Tutje ai ka ironizuar duke thënë se “Shtet legjendar jemi!”, raporton Klankosova.tv.

“Kushtetuesja shpall masë të përkohshme për Kuvendin deri më 30 shtator.

Kjo i bjen që nuk do të ketë zgjedhje parlamentare eventuale deri pas balotazhit të 9 nëntorit.

Dhe nuk do të ketë Kuvend të konstituuar së paku edhe një muaj.

Rrjedhimisht as qeveri të re.

Shtet legjendar jemi!’, ka shkruar Kelmendi.