Ekskluzive: Ky është i arrestuari për dhunë në familje

Gazeta Sinjali ka mësuar se mëngjesin e së mërkurës policia ka realizuar një urdhër-arrest të lëshuar nga Gjykata ndaj një personi në Prishtinë.

Burimet e Sinjalit bëjnë me dije se rreth orës 09:00, në Stacionin Policor Veriu-Prishtinë është paraqitur Naser Kurteshi, 52-vjeçar i cili pas verifikimit ka rezultuar se kishte urdhër-arrest aktiv për veprën penale “Dhunë në familje”.

Sipas aktgjykimit të Gjykatës Themelore në Prishtinë, ai është i dënuar me 130 ditë burgim efektiv.

Pas përfundimit të procedurave policore, i njëjti është dërguar për të vuajtur dënimin në Qendrën e Paraburgimit në Prishtinë.