“Kam me t’shky si zhabën”, ky është gazetari që u kërcënua

Reagimi i AGK-së:

Kërcënohet gazetari i Vox Kosova, Valon Rashiti

Asociacioni i Gazetarëve të Kosovës (AGK) është informuar për një kërcënim serioz që ka bërë udhëheqësi i tifozëve të Kombëtares së Kosovës, Lulzim Berisha ndaj gazetarit të Vox Kosova, Valon Rashiti.

Sipas dëshmisë së gazetarit, Berisha i ka thënë gjatë një ceremonie Rashitit: “Kam me të ngreh zhag, ka me të shky si zhabën”.

AGK-ja e dënon fuqishëm këtë kërcënim publik të Berishës, që cenon integritetin fizik të gazetarit Rashiti. AGK-ja do ta monitorojë denoncimin që Rashiti e ka bërë pranë organeve të sigurisë dhe drejtësisë.

Kjo gjuhë është e papranueshme dhe pengon gazetarët që të kryejnë detyrën e tyre profesionale. AGK-ja e fton FFK-në që të distancohet qartë nga kjo sjellje.