Një rast i rëndë i vrasjes në tentativë ka ndodhur sot rreth orës 18:00 në Stanovc të Vushtrrisë, mëson ekskluzivisht “Mitropol” nga burime të veta.

Sipas informacioneve të para hetimore që ka “Mitropol”, një burrë i moshës 27 vjeçare ishte cak i sulmit me armë zjarri me ç’rast ka pësuar edhe plagë.

Viktima është dërguar për trajtim mjekësor. Sipas autoriteteve mjekësore, i plagosuri është jashtë rrezikut për jetë.

Lajmin për “Mitropol” e konfirmoi edhe zëdhënësi i Policisë për Mitrovicën e Jugut, Avni Zahiti.

“Në vendin e ngjarjes janë gjetur katër gëzhoja. Hetuesit policor, nën udhëheqjen e prokurorit kompetent, kanë nisur hetimet në drejtim të veprës penale “Vrasje e rëndë e mbetur në tentativë”. Policia është në kërkim të personit të dyshuar i cili dyshohet se ka shtënë me armë.”, tha Zahiti për “Mitropol”.