Lëvizja Vetëvendosje ka zbuluar emrin e kandidatit të saj për kryetar të Komunës së Prizrenit për zgjedhjet lokale që do të mbahen më 12 tetor të këtij viti.

Kryetari i VV-së, Albin Kurti, në një tubim të mbajtur mbrëmjen e sotme në sheshin “Kej” përballë Xhamisë së Sinan Pashës në qendër të Prizrenit, prezantoi Artan Abrashin si kandidatin zyrtar të partisë për këtë garë zgjedhore.

Kurti tha se Abrashi është një njeri me integritet, punëtor dhe me vizion për ta çuar Prizrenin përpara. Ai shtoi se Vetëvendosje në këto zgjedhje hyn me një ekip të përgatitur dhe një program të qartë për zhvillimin e qytetit.

Zyrtarët e VV-së njoftuan se gjatë fushatës do të mbahen takime të shumta me qytetarët nëpër lagjet e Prizrenit, ku do të prezantohet plani i tyre për qeverisje lokale.