Një incident shqetësues ka ndodhur në Fushë Kosovë, ku një 24-vjeçare ka sulmuar me thikë dy bashkëmoshatare të saj.

Ngjarja ka ndodhur më 10 gusht 2025, rreth orës 17:00, në kafiterinë “Time Out” në rrugën “Dardania”.

Sipas burimeve të Sinjalit, Ermonda Matoshi, 24-vjeçare pas një mosmarrëveshjeje me Dh. K. dhe L. G., ka nxjerrë një thikë dhe ka sulmuar viktimat, duke shkaktuar lëndime trupore te lehta L. G.

Pas hetimeve, më 20 gusht, e dyshuara është intervistuar në prezencë të avokatit mbrojtës.

Me urdhër të Prokurorit të Shtetit, ndaj saj është lëshuar aktvendim për ndalim prej 48 orësh. Ajo është dërguar në Qendrën e Mbajtjes.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.