Një incident i rëndë ka ndodhur mbrëmjen e sotme në Prishtinë, ku është raportuar për të shtëna me armë zjarri në një nga zonat më të frekuentuara të qytetit – në Sheshin “Skënderbeu”.
Burime të Sinjalit bëjnë të ditur se rreth orës 22:40 të datës 5 gusht 2025, është njoftuar Policia për dyshime të të shtënave me armë. Njësitet kanë reaguar me shpejtësi, duke dalë menjëherë në vendin e ngjarjes.
Gjatë veprimeve të para policore, është arrestuar një i dyshuar rreth 16-vjeçar, me inicialet E.A., ndërkohë që në vendngjarje është gjetur edhe një armë zjarri, si dhe një gëzhojë.
Po ashtu, në shesh kanë dalë hetuesi kujdestar dhe njësia e forenzikës, ndërsa vendi i ngjarjes është siguruar nga policia për hetime të mëtejshme.
I dyshuari është shoqëruar për intervistim dhe ndaj tij pritet të ndërmerren veprime procedurale në koordinim me Prokurorinë.