Një rast i rëndë është raportuar në Pejë, ku një vajzë e mitur ka denoncuar se ka qenë viktimë e dhunimit.

Sipas policisë, rasti ka ndodhur më 14 gusht 2025, rreth orës 01:30, në fshatin Zahaq.

Viktima J.M., së bashku me prindërit e saj, është paraqitur në stacionin policor për të raportuar ngjarjen.

E mitura është intervistuar në prani të psikologes dhe punëtores së Qendrës për Punë Sociale, ku ka deklaruar se kishte shkuar me dëshirë në një vilë me personin e dyshuar, Drilon Muriqi, dhe se kishin pasur marrëdhënie.

Fillimisht, rasti ishte iniciuar si “Sulm seksual”, por pas procesimit nga Prokuroria, është rikualifikuar në veprën penale “Dhunim”.

Me urdhër të Prokurorit kujdestar, i dyshuari është ndaluar për 48 orë, ndërsa hetimet për zbardhjen e plotë të rastit janë duke vazhduar.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.