Një përplasje e ashpër ka ndodhur në mes të ministrit të Bujqësisë, Faton Pecit dhe komentatorit politik, Halil Matoshit lidhur me qeverisjen Kurti, teksa debati mes tyre ka kaluar edhe në personale.

Matoshi ka thënë se ministri i Bujqësisë nuk di të lexojë.

Z.Peci ti s’din me lexu. Unë të kam vërejt që s’din me lexu. Ta kam dhanë nihere ni poezi temen me lexu, e ke sakatos se s’ke ditë me lexu”, ka thënë Matoshi.

Ndaj një opinioni të tillë ka reaguar ashpër Peci.

Peci ka akuzuar televizionet në Kosovë se kanë shumë pak kredibilitet, teksa u është drejtuar ashpër duke thënë “keni me shku në fund të pusit”.

“Le të thotë Halili çka të don. Po qe pse s’vjen Kurti dhe mirë jua bon. Edhe juve edhe secilit studio mirë jau bon. Edhe studiot telivizive kanë çdo ditë më pak kredibilitet edhe keni me shku në fund të pusit. Mane men ça po ju tham. Në fund të pusit keni me shku. Unë pranoj me ardh në studio me tipin e Halilit me më thanë që ti nuk din me lexu”, ka thënë Peci.

Matoshi ka pasur një kërkesë ndaj Pecit.

“Kush po të nal me ec?”, ka thënë Matoshi.

Tutje, Peci e ka quajtur Matoshin “injorant”, ndërsa ka thënë se më 9 shkurt qytetari do t’ia tregojë vendin.

“Ti je një servil. Ti je një hiç hiçi. Ti je një njeri që ofendon. Më 9 shkurt qytetari ty ka me ta kallëzu vendin”, ka thënë Peci. /Gazeta10/