Blog

Një aheng familjar në fshatin Banjë të Malishevës është shoqëruar me të shtëna armësh mbrëmjen e 22 gushtit.

Burime të Sinjalit bëjnë të ditur se Rrahman Hazrolli rreth 26-vjeçar ka qëlluar në ajër me një pistoletë, duke rrezikuar sigurinë e të pranishmëve.

Gjatë bisedës me policinë, ai e ka pranuar veprën dhe ka dorëzuar vullnetarisht armën – një SIG SAUER P320, cal. 9mm, së bashku me karikatorin dhe 6 gëzhoja të kalibrit 9mm.

Arma është sekuestruar, ndërsa me urdhër të Prokurorit rasti është iniciuar për “Mbajtje në pronësi të paautorizuar të armëve” dhe “Përdorim i armës”, dhe do të trajtohet në procedurë të rregullt.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.